امثال مش شعبيه جامده جدا

أمثال مش شعبية جامدة جداً

-من طلب العلا يتفضل فى كابينه رقم واحد
-اللى بيته من‏ إزاز ميغيرش هدومه فى الصالون
-فاقد الشىء يدور عليه
-اقلب القدره على فومها الفول يقع منها
-تأتى الرياح محمله بالأتربة

-ياخبرالنهارده بفلوس بكره ينزل عليه أوكازيون
-اللى معاه قرش محيره يجيب‏ حمام ويحمره
-جت الحزينه تفرح شغلت شريط حكيم وقعدت ترقص

-‏قال‏ يامحشحشين يكفيكوا شر الكمين
‏-اللى ياكل لوحده يشبع

-لاتبكى‏ على اللبن فى البسكوت

‏ -اقطع عرق و حته بتلو
-اطبخى ياجاريه الأنبوبه فاضيه يا سيدى‏
‏ -لو حبيبك عسل ما تحطلوش طحينة

-اللى‏ يتلسع من الشوربه يتصل بالمطافى
-وبكره ترجع ريما من عند خلتها فى‏ مارينا
-ياداخل بين البصله وقشرتها حط قطرة علشان هادمع من‏ ريحتها

‏ -اصوم اصوم وافطر على المدفع

-القرش الأبيض بيعوم فى‏ البحر الأحمر
-ضربوا الأعور على عينه قالهم كسرتوا النضاره
-اللى ميشفش من الغربال يكشف نظر
-المال السايب يعلم الطلبه
-نام وارتاح وكل عسل نحل التمساح

‏ -من خرج من داره مينساش يأخد المفتاح معاه
‏ -الباب اللى يجيجلك منه الريح شيله وركب قبنورى
-المضطر‏ يركب التاكسى

‏ -رب صدفة خير من ألف ليلة و ليلة
‏ -اللى يخاف من‏ العفريت يعمل عبيط
‏ -المركب اللى فيها رايسين يلعبوا طاولة

‏ -اللى خدتوا الأرعه تخدو ام‏ الخلول

-أكل العيش يحب الطعميه
-قالوا للحرامى أحلف قالهم وحياة قلبى وأفراحوا
***************

أمثــــــال‏ عربيــــات النقــــل‏:
‏ -ربنا يحميكى من الميكانيكى

‏ -الحلوة أسمها‏ تفاحة للسفر والسياحة

-الحلوة من حلوان وصاحبها راجل‏ غلبان

‏ -الحلوة من دمياط وعليها أقساط
‏ -قصه كفاح مش جايه على‏ المرتاح
‏ -متزمروش يابهايم دا السواق نايم
‏ -اجرى جري الوحوش‏ اوتوبيس 710 ماتلحقوش

ههههههههههههههههههههههههه
حلوين اوي

ايه الامثال الشديده دى يا حاج

ميرسى وياريت كمان

لا بجد امثال جامدة مرسي ياجميل علي الامثال ديه ونستني المزيد منها

جميله اوى
ميرسى جدا

ميرسى يا جماعه وعلى راى المثل

اجرى يا بنى ادم جرى الوحش ان كبر ابنك خويه