مصر مش هى امى

موضوع: مصر مش هى امى الإثنين مارس 03, 2008 11:42 am

مصر مش هى أمى

كان يظهر لى فى كل مكان على القناة الأولى مع تامر بسيونى ..فى دريم...مع بندق..مع مصطفى عبده..مع معتز مع عمرو مع
منى ..حتى مع جمال ريان بتاع الجزيرة
أفتح التلاجة ألاقيه..أفتح البوتجاز الاقيه..أدخل أنام يجيلى فى المنام
[img:e844]http://www.gam3aonline.com/uploads/imageGenerator[1]6862977962.jpg[/img:e844]
كرهت بسببه الكورة..كرهت حياتى ...كرهت مصر...مصر...مصر اللى كانت فى يوم من الأيام بقولها يأمى..لكنى أكتشفت بعد
أكتر من 25 سنة أنها مش أمى ولا حاجة..رفعت أيدها ونزلت بالقلم على وشى وقلتلى أطلع بره بيتى..أنته مش أبنى..أنته مجرد
لقيط..لقيط...لقيط
أخرج الظابط من جيبه علبة السجائر وقال لى تدخن ياحسين...أجبت:شكرا يافندم..أنا مابدخنش
بس ياحسين مش معنى كده أنك تحاول تعمل اللى أنته عملته ده..أنته المفروض تكون أقوى من كده
دايما كانت بتفرق بينا فى المعاملة..دايما كانت بتديله كل حاجه وتحرمنى من كل حاجة مع أنى طول عمرى أشطر منه وأنجح منه ..طول
عمرى أطلع الأول..وهو يسقط..أنا دخلت كلية الطب وهو طلع من العلام...أنا بقيت دكتور وهو بقى بتاع انابيب..أنا أتخرجت بعد
6سنين دراسة وسنة أمتياز وأتنين تكليف وأتنين نيابة مرتبى 240 جنيه وهو راح لعب كورة وبقى نجم بياخد ملايين ويطلع على التلفزيون
والبنات تحبه..هو يلعب متش ساعة إلا ربع تنزل الملايين عليه زى المطر..وأنا يطلع بوزى فى نباتشيه 24ساعة كلها عيا وجثث وعراك
وفى الآخر أخد سبعة جنية..مش حرام ...حرام...أنا بكرهه وبكرها.....ده لايمكن يكون أخويا..ولا هى ممكن تكون أمى
أنا لقيط...لقيط...لقييييييييييييييييييييييييييييييييييييط
أخرج الظابط من جيبه خمسة جنيه وأعطاها لى قائلا خد ياحسين..وحاول تبدأ من جديد دى مش نهاية العالم
خرجت من عنده فى القسم أسمع فى أذنى لست أدرى بينما سأل أحد زملاء الظابط عنى فقال: ياسيدى ده دكتور مجنون مسكناه قبل ماتش مصر والكاميرون داهن على وشه علم الكاميرون وعمال يهتف ويقول:أرقص يأيتو...أرقص يا أيتو
[img:e844]http://www.gam3aonline.com/uploads/45558_6th6[1]6862977964.jpg[/img:e844]

يا ماما ايه الصورة دي
بس مش معقول رامز هو اللي بيقول مصر مش هي امي
مش معقول امال فين الانتماء
هههههههههههههههههههه