النصب ليه أحكام و القرع ليه أحكام هتقول انك معالج و يبقى كله تمام استخدم الأعشاب ورشها بتراب و اكتب عليها بإيدك الطب في الإسلام دا عشب للمصارين و دا حلو للمجانين و دا يداوى العين و دا أتعرف في الصين و دا فجل من فيتنام و شغل واحد اسمر يقف بأي ميدان و ينادى بأعلى صوت أعشاب من السودان و يا عيني لو صحيفة نشرت لك كام مقال و كتبوا منها اسمك و قبل منه دال بعديها راح تصور بكل القنوات ماهى يا بنى سايبه و لا فيها ممنوعات اتكلم في القلوب و افتى في الجراحة و افتح عيادة عادى من بين ملوك الساحة للمخ فيه علاج للكبد فيه علاج للديسك ماشى الحال للعجز دا شغال و للقلب لو محتاج و ملكش في الأعشاب طب خش ع الطاقة هتقول انك خبير و اضربها في بطاقة و اطلع بكام بندول من ساعة خربانه و اطبع صفيح منقوش بكلام مالوش معنى لغبطنا في الحسابات أرقام تصدعنا و هات معاك أسلاك لعبكها قدامنا و قول إن دي مسارات موجودة في دماغنا و دي أساور للكلى و العجز يا إخواننا هنصدقك على طول و تسف أموالنا دا غير العلاج باللمس اللي بيقولوا عليه قال إيه تخف م الإمراض يا دوب بكام لمسه واحد طويل عريض قالع بيتلمس وواحدة جنبه يا بيه عماله بتهيس تقولش إننا طراطير عارفين و بندلس و مريض و مش سيبينه عيان و بيفلس حتى المريض مسلمش من النصاب اللي بياكل عيشه مغمسه بتراب يطلعله واحد و يخطف ترابه من ايده يقول اغمسه بإيه ياخى غمسه بهباب