والله أحترت أيوه أحترت من موظف الضبط و الربط
كرشه قدام طالع تمام و لكن ياعينى برضه هفتان
يفتش الجيب و يفضح العيب مع انى أصلا عدمان
مصروفى أكبر من داخلى ده أنا أصلى مواطن غلبان
كشك دخان معمول تمام و يادوبك بابيع جرنان
و عندى من العيال سبعة وأمهم قلباها جنان
بتقصقص فى ريش الغلبان و كأن جيبى مليان
و سعادته ييجى يقدر جزافى و يقولى بلاش شغل الريان
أنا تعبان أنا زهقان حاشق هدومى و أمشى عريان
مربى دقنه و مسكلى سبحة و عملى برضه شوية أفلام
العصر يدن يقولى يا أبنى يا لا أدينى الأبيج أوام
أطلع من جيبى ألاقى بريزة و كمان عليها جنيهان
يبصلى بصة جريئة بقدرة ويبين انه قرفان
أروح مطلع من فلوس العالم علشان يبقى البيه فرحان
با تقى شره وأخلص من همه لآنى بقيت خلصان
ياخد فى جيبه ميقلش عيبه والاده عيب الزمان
شوفوا لى حل و الا حاضطر أبيع الدكان
موضوع: و الله أحترت 
الخميس يناير 10, 2008 2:21 pm
